Да зэтабайтавай эры гатовыя: Ixia прадэманстравала тэхналогію 400 GbE
Кампанія Ixia абвясціла пра паспяховую дэманстрацыю тэхналогіі 400-гігабітнага Ethernet
Новая тэхналогія складаецца з камбінавання васьмі палос з прапускной здольнасцю 56 Гбіт/с (400GAUI-8 па стандарце IEEE802.3bs) пасродкам чатырохузроўневай імпульснай амплітуднай мадуляцыі (PAM4). Дэманстрацыя была праведзена кампаніяй Ixia у прысутнасці ключавых чальцоў экасістэмы 400 GbE, уключаючы канчатковых карыстачоў, а таксама вядучых вытворцаў сеткавага абсталявання, чыпаў і аптычных сістэм.

Удзельнікі атрымалі магчымасць ацаніць магчымасць інтэграцыі новых і наяўных рашэнняў, у тым ліку PAM-4 (найболей здольны да маштабавання шматузроўневы пратакол сігналізацыі для прапускной здольнасці наступнага пакалення), з пашыранай 400 GbE-тэхналогіяй для задавальнення росту запатрабаванняў у прапускной здольнасці буйнамаштабных цэнтраў апрацоўкі дадзеных. Паводле нядаўняй справаздачы Cisco "Зэтабайтавая эра - тэндэнцыі і аналіз" (http://www.cisco.com/…/visual…/vni-hyperconnectivity-wp.html), глабальны IP-трафік у найблізкія пяць гадоў павінен павялічыцца амаль утрая.
У наш час Ixia бярэ ўдзел у двух ключавых групавых праектах па распрацоўцы і ўдасканаленню 400 GbE-тэхналогіі, для рэалізацыі інтэрфейсу 400GAUI-8 у форме аптычнага модуля: форм-фактараў QSFP-DD (Double-Density Quad Small-Form-Factor Pluggable) і OSFP (Octal Small Form Factor Pluggable).
Група QSFP-DD MSA (Multi-Source Agreement) працуе над атрыманнем інтэрфейсу падвойнай шчыльнасці і імкнецца забяспечыць механічнае, электрычнае, цеплавое і сігнальнае ўзаемадзеянне модульных кампанентаў ад розных вытворцаў. Супрацоўніцтва ў рамках MSA заклікана паскорыць ажыццяўленне і палегчыць працу высакахуткаснага інтэрфейсу QSFP-DD у сеткавым абсталяванні. QSFP-DD задавальняе ўзрослым сусветным патрабаванням да паласы прапускання дзякуючы павелічэнню сукупнай прапускной здольнасці камутатара ў чатыры разы пры захаванні шчыльнасці портаў.
Група OSFP MSA (Multi-Source Agreement) складаецца з 49 лідараў галіны, якія займаюцца пытаннямі вызначэння формаў-фактару для новага трансівера 400 GbE, які будзе падтрымліваць поўны спектр аптычных тэхналогій 400 GbE з маштабам ахопу ад дата-цэнтра да гарадскіх сетак перадачы дадзеных (Metro Ethernet).
IXIA таксама была першым вендарам, які публічна прадставіў 400 GbE тэхналогію IEEE802.3bs з электрычным інтэрфейсам 400GAUI-16. Дэманстрацыя была праведзена на некалькіх профільных мерапрыемствах у 2016 году і пацвердзіла той факт, што тэхналогія 400 GbE, уключаючы ключавыя элементы, ужо даступная і гатовая да выпуску новых высакахуткасных сеткавых рашэнняў наступнага пакалення.
Падрабязней пра новую тэхналогію можна пазнаць, звярнуўшыся па тэл. +375 (17) 336-98-97 або электронным адрасе belarus@muk.by.
#ixia #400ge #zettabyte #muk